SQL Syntax

දත්ත සමුදාය වගු ( Database Tables )

එක් දත්ත සමුදායක් තුල බොහෝ විට වගු එකක් හෝ කිහිපයක් අඩංගු වේ. එක් එක් වගුව එයට අනන්‍ය වූ නමකින්  (උදා: "Customers" හෝ "Orders") හඳුනාගනු ඇත. වගුවක් තුල දත්ත සමඟ වාර්තා අඩංගු වේ.

මෙතැන සිට උදාහරණ සදහා පහත දක්වා ඇති "Customers" වගුව භාවිතා කරනු ලබයි.

ඉහත වගුවේ වාර්තා 5ක් (එක් එක් පාරිභෝගිකයා සඳහා එක් වාර්තාවක් ලෙස ) සහ තීරු 7ක් (CustomerID, CustomerName, ContactName,  Address, City, PostalCode, සහ Country) අඩංගු වේ.

SQL Statements

ඔබට දත්ත සමුදාය මත සිදු කිරීමට අවශ්‍ය ක්‍රියාවන් SQL Statements මගින් සිදු කරනු ලැබේ.

පහත දැක්වෙන SQL Statements මගින්  "Customers" වගුවේ සෑම වාර්තාවක්ම තෝරා පෙන්වනු ලබයි.

SELECT * FROM Customers;

ඔබම උත්සාහා කර බැලීමට මෙතනට කොටන්න

මෙම පාඩම් මාලාව තුළ අප විවිධ SQL Statements  ගැන ඔබට සියල්ල උගන්වනු ඇත.

මේ ගැන මතක තබාගන්න ...

SQL අකුරු වලට සංවේදී නොවේ. select හා SELECT සමාන වචන ලෙස SQL හදුනාගනී.

මෙම පාඩම් මාලාව තුළදී අප සියලුම SQL Command ලිවීමට කැපිටල් (Upper Case Letter) භාවිතා කරනු ඇත.

SQL ප්‍රකාශනක අන්තිමට " ; " අවශ්‍යමද??

සමහර දත්ත සමුදායන් සමග වැඩ කිරීමේදී එක් එක් SQL ප්‍රකාශනයන් අවසානයේ තිත් කොමාව අවශ්‍ය වේ.
එහෙත් තනි SQL ප්‍රකාශ ලිවීමේදී  තිත් කොමාව සටහන් නොකර දත්ත සමුදායත් සමග ගනු දෙනු කිරීම SQL ප්‍රකාශ ලිවීමේ සම්මත ක්‍රමයකි.

නමුත් මෙම පාඩම් මාලාවේදී, අපි එක් එක් SQL ප්‍රකාශය අවසානයේ තිත් කොමාව භාවිතා කරනු ඇත. ඔබද එලෙස කිරීමට හුරුවන්න.

වඩාත්ම වැදගත් SQL විධාන කිහිපයක්

• SELECT -  පරිගණක දත්ත ගබඩාවෙන් දත්ත තේරීම සදහා භාවිතා කරයි
• UPDATE -  පරිගණක දත්ත ගබඩාවේ ඇති දත්ත යාවත්කාලීන කිරීම සදහා භාවිතා කරයි
• DELETE -  පරිගණක දත්ත ගබඩාවේ ඇති දත්ත මකා දැමීම සදහා භාවිතා කරයි
• INSERT INTO - පරිගණක දත්ත ගබඩාවට නව දත්ත ඇතුල් කිරීම සදහා භාවිතා කරයි
• CREATE DATABASE - නව දත්ත සමුදායක් නිර්මාණය කිරීම සදහා භාවිතා කරයි
• ALTER DATABASE - පරිගණක දත්ත ගබඩාවට වෙනස් කිරීම හෝ නවීකරණය කිරීම සදහා භාවිතා කරයි
• CREATE TABLE - නව දත්ත වගුවක් නිර්මාණය සදහා භාවිතා කරයි
• ALTER TABLE - පවතින දත්ත වගුවක් වෙනස් කිරීම හෝ නවීකරණය කිරීම සදහා භාවිතා කරයි
• DROP TABLE - පවතින දත්ත වගුවක් මකා දැමීම සදහා භාවිතා කරයි

PHP 5 PC එකට දාගමු

PHP Pc එකට දාගන්න ඔබ කළ යුත්තේ කුමක්ද?

PHP භාවිතය ආරම්භ කිරීම සඳහා ඔබ පලමුව,

PHP සහ MySQL සහය දක්වන සමග වෙබ් සත්කාරකයක් (Web server එකක්) සොයාගන්න.

ඒ සදහා මම ඔබට XAMPP Server එක නිර්දේශ කරනවා.

Download XAMPP

Download කර ගත් XAMPP සාමාන්‍ය පරිදි ස්ථාපනය කර ගන්න.

ඒ සදහා පහත පියවර අනුගමනය කරන්න.

• Download වූ exe ගොනුව විවෘත කරන්න.

• පහත ආකාරයට සැකසුම් සකසා Next යන්න ක්ලික් කරන්න.

• ස්ථානගතවීම හමාර වූ පසු Finish යන්න ක්ලික් කරන්න.

• ඔබගේ පරිගනකයේ C:\ පාටිශනය තුල ඇති xampp නම් ගොනුව විවෘත කර ගන්න.

• ඒ තුල ඇති htdocs නම් ගොනුව විවෘත කරගෙන එය තුල ඔබේ නමින් ගොනුවක් සකසන්න.

• දැන් ඔබේ නම ඇති ගොනුව ඉතිරි වන සේ එහි ඇති ඉතිරි ගොනු සියල්ල මකා දමන්න.

සටහන - ඔබ සාදන සෑම PHP ගොනුවක්ම ඔබ මෙහි පමණක් තැන්පත් කල යුතුය.

• දැන් XAMPP Control පැනලයේ ඇති Apache නම් සර්වරය විවෘත කර ගන්න.

• දැන් ඔබේ වෙබ් අතිරික්සුවට ගොස් localhost ලෙස ටයිප් කර එන්ටර් ඔබන්න. නැතහොත් XAMPP Control පැනලයේ ඇති Apacheට අදාල Admin නම් බටනය ඔබන්න.

එවිට පහත ආකාරයට වෙබ් අතිරික්සුවේ පෙන්වනු ඇත.

ඔබගේ මෙහි පෙන්වනු ඇත්තේ එක් ගොනුවක් පමණකි.

වැදගත්.....

• ඔබගේ සර්වරය PHP සඳහා සහය සක්‍රිය කර තිබේ නම් ඔබට වෙනත් මෘදුකාංග අවැසි නැත.
• ඔබ PHP සදහා වෙනත් කිසිම දෙයක් සම්පාදනය කිරීම හෝ කිසිදු අමතර මෙවලම් ස්ථාපනය කිරීම අවශ්‍යය නැහැ.
• PHP නොමිලේ නිසා, බොහෝ වෙබ් සත්කාරක, PHP  සදහා සහයෝගය ලබා දෙනවා.

CSS Syntax

Css භාෂාව selector හා declaration මත පදනම්ව ක්‍රියා කරයි.

Selector එකක් යනු ඔබට ශෛලිය( Style) කිරීමට අවශ්‍ය HTML අංගය තෝරා දෙන පදය වේ. 

Declaration ‍වාරණය තුල Declaration ‍ එකක් හෝ Declaration ‍කිහිපයක් අඩංගු වේ.‍

සෑම Declaration ‍ එකකටම Property name එකක් හා අගයක් ඇතුළත් වේ.

CSS උදාහරණයක්

CSS Declaration එකක් සෑම විටම, " ; " න් අවසන් වන අතර Declaration සියල්ල "{ ... }" මගින් වට කර ඇත.

p {color:red;text-align:center;}

CSS කේතය වඩා පහසුවෙන් කියවිය හැකි කිරීම සඳහා, ඔබ විසින් එක් එක් කේත ඛණ්ඩය බැගින් ලිවිය යුතුය.

p {    color: red;  

    text-align: center;}

උත්සාහා කර බැලීමට මෙතනට කොටන්න 

ඉහත සඳහන් උදාහරණය තුළ සියලු <p> අංග වල ඇති අකුරු රතු පැහැයෙන් වර්ණ ගැන්වෙන අතර, අකුරු සියල්ල තිරයේ මධ්‍යයට එකෙල්ල කරනු ලැබේ.

CSS තුල ඔබේ අදහස් ලිවීම

CSS තුල දී ඔබේඅදහස් මගින් ඔබේ කේතය පැහැදිලි කිරීමට ඉඩ සලසන අතර ඔබ පසු දිනයක මෙම කේත සංස්කරණය විට ඔබට එය උදව් වන්නට පුළුවන්. මෙ‍ම අදහස් වෙබ් අතිරික්සුව විසින් නොසලකා හරිනු ඇත.

CSS තුල ඔබේ අදහස් ලිවීම  / * සමග ආරම්භ කර * / සමග අවසන් කල යුතුය. අදහස් පේලි කිහිපයක් ලෙසද සටහන් කල හැකිය.

p {    color: red;  

    /* This is a single-line comment */  

    text-align: center; }
/* This is  

a multi-line  

comment */ 

 උත්සාහා කර බැලීමට මෙතනට කොටන්න

HTML කෝඩ් ලියන්නේ මොකේද?

නෝට්පෑඩ් වැනි ඕනෑම TextEditer එකක් භාවිතා කරමින් HTML ලියන්න පුළුවන්.

HTML වෘත්තීය කෝඩ් ලියන්නන් HTML කෝඩ් ලිවීමට පහත මෘදුකාංග භාවිතා කරනු ලබයි,

• Adobe Dreamweaver
• Microsoft Expression Web
• CoffeeCup HTML Editor
• Notpad ++
• Netbeans වැනි IDE

කෙසේ වෙතත්, HTML ඉගෙන සඳහා අපි නෝට්පෑඩ් (Windows) හෝ TextEdit (MAC OS) වැනි පාඨ සකසනයක් නිර්දේශ කරමු.

සරල වදන් සංස්කාරක භාවිතා කර HTML ඉගෙන ගැනීම හොඳ ක්‍රමයක් බව අප විශ්වාස කරනවා.

නෝට්පෑඩ් වැන්නක් භාවිතා කර ඔබේ පළමු වෙබ් පිටුව නිර්මාණය කිරීම සඳහා පහත පියවර අනුගමනය කරන්න.

පියවර 1: Notepad එක විවෘත කර ගන්න

වින්ඩෝස් 7 හෝ පෙර සංස්කරණ වලදී නෝට්පෑඩ් විවෘත කිරීම සඳහා:

Start (පහළ ඔබේ තිරය මත වමේ) ක්ලික් කරන්න. All Programs  ක්ලික් කරන්න. Accessories ක්ලික් කරන්න. Notepad ක්ලික් කරන්න.

වින්ඩෝස් 8 හි නෝට්පෑඩ් විවෘත කිරීම සඳහා:

ආරම්භක තිරය (ඔබේ තිරය මත පතුලේ වම් කෙලවරේ ඇති window සංකේතය) විවෘත කරන්න. Notepad ලෙස ටයිප් කර Enter ඔබන්න.

පියවර 2: HTML කෝඩ් එකක් ලියන්න

විවෘත කර ගත් නෝට්පෑඩ් එකේ  HTML කෝඩ් එකක් ලියන්න හෝ පහත කෝඩ් එක පිටපත් කරගන්න.

<!DOCTYPE html><html><body>
<h1>My First Heading</h1>
<p>My first paragraph.</p>
</body></html>

පියවර 3:  HTML පිටුව සුරකින්න (ලියා ගත් HTML කෝඩ් එක Save කර ගමු)

ඔබේ පරිගණකය මත ගොනුව සුරකින්න අවශ්‍ය නම්,

Select > Save As මත ක්ලික් කරන්න.

ගොනුවේ නම ලෙස "index.html" හෝ .html සමග අවසන් වෙනත් ඕනෑම නමක් ලබා දෙන්න.

 HTML ගොනු සඳහා හොදම Encoding type එක වන්නේ UTF-8 යන්නයි.

ANSI Encoding type එක එක්සත් ජනපදය හා බටහිර යුරෝපීය රටවල භාෂා පමණක් ආවරණය කරයි.

පියවර 4:  HTML පිටුව ඔබගේ වෙබ් අතිරික්සුවෙන් විවෘත කරමු.

ඔබේ ප්‍රියතම වෙබ් අතිරික්සුවෙන් HTML ගොනුව විවෘත කරන්න. එහි ප්‍රතිඵලය බොහෝ විට පහත ආකාර විය හැකිය.

 සටහන - ගොනුව මත දෙවරක් ක්ලික් කිරීම මගින් වෙබ් අතිරික්සුවෙන් ගොනුවක් විවෘත නොවේ නම්, 
Right-Click කර Open With යන්නෙන් වෙබ් අතිරික්සුව තෝරා දෙන්න.

SQL හදුනාගනිමු...

SQL යනු දත්තසමුදායක් තුල ඇති දත්ත වෙත ප්‍රවේශ වීම සඳහා සම්මත භාෂාව වේ.

මෙම පාඩම් මාලාව තුලින් MySQL, SQL Server, Access, ඔරකල්, සයිබේස් , DB2, සහ වෙනත් දත්ත සමුදායන් තුල ඇති දත්ත වෙත ප්‍රවේශ වීම සහ හැසිරවීමට SQL භාවිතා කරන ආකාරය ඔබට පැහැදිලි කරනු ඇත.

SQL යනු කුමක්ද?

• SQL යනු Structured Query Language යන්නයි.
• SQL  දත්තසමුදායක් තුල ඇති දත්ත වෙත ප්‍රවේශ වී ඒවා හැසිරවීමට ඉඩ දෙනවා.
• SQL යනු ANSI (American National Standards Institute) සම්මතයක් වේ.

SQL භාවිතයෙන් කුමක් කළ හැකිද?

• SQL මගින් දත්තසමුදා වලට එරෙහිව Query ක්‍රියාත්මක කළ හැකිය.
• SQL මගින් දත්තසමුදා තුල ඇති දත්ත ලබා ගන්න පුළුවන්.
• SQL මගින් දත්තසමුදා තුලට න‍ව වාර්තා ඇතුලත් කර ගත හැක.
• SQL මගින් දත්තසමුදා තුල ඇති වාර්තා යාවත්කාලීන කළ හැකිය.
• SQL මගින් දත්තසමුදා තුල ඇති වාර්තා මකා දැමිය හැකිය.
• SQL මගින් නව දත්තසමුදායන් නිර්මාණය කළ හැකිය.
• SQL මගින් දත්තසමුදා තුල නව වගු නිර්මාණය කළ හැකිය.
• SQL මගින් දත්තසමුදා තුළ ගබඩා පටිපාටි (පරිපාලන ක්‍රමවේද) නිර්මාණය කළ හැකිය.
• SQL මගින් දත්තසමුදාවල ප්‍රදර්ශකයන් නිර්මාණය කළ හැකිය.
• SQL මගින් දත්තසමුදා තුල ඇති වගු, ක්‍රියා පටිපාටි හා අදහස් ප්‍රදර්ශනය හා සැකසුම් සදහා අවසර සැකසිය හැක.

SQL යනු සම්මතයකි. නමුත් ....

SQL යනු  ANSI සම්මතයක් වුවද, SQL භාෂාව විවිධ දත්තසමුදා තුල වෙනස් ආකාරයන්ට භාවිතා කරන අවස්තා ඇත.

කෙසේ වෙතත්, ප්‍රධාන විධාන (SELECT, UPDATE, DELETE, INSERT, WHERE වැනි විධාන) සමාන අයුරින් සියලු දත්තසමුදා සහයෝගය දක්වයි. ඒ නිසා ANSI ප්‍රමිතියට අනුකූල වන්නේ ප්‍රධාන විධානයන් පමණි.

සටහන: SQL දත්ත සමුදාය වැඩසටහන් බොහොමයක් සදහා  SQL සම්මත දිගුවට අමතරව තමාගේම දිගු සටහනක් තබාගන්නවා!

ඔබේ වෙබ් අඩවි තුළදී SQL භාවිතා කරමින්....

දත්ත සමුදා තුල ඇති දත්ත පෙන්වන වෙබ් අඩවිය ගොඩනැඟීමට ඔබට අවශ්‍ය නම්,  

• RDBMS දත්ත සමුදාය වැඩසටහනක් (එනම් MS Access, SQL Server, MySQL)
• PHP හෝ ASP,net වැනි සේවාදායක විධානාවලි භාෂාවක්, 
• ඔබට අවශ්‍ය දත්ත ලබා ගැනීමට හා භාවිතා කිරීම සඳහා SQL
• HTML / CSS 

ඔබට අත්‍යාවශය වේ.

RDBMS

RDBMS යනු Relational Database Management System යන්නයි.

RDBMS, SQL මත පදනම් වේ.එසේම එය MS SQL Server, IBM DB2, Oracle, MySQL හා Microsoft Access වැනි නවීන දත්ත සමුදායන් සඳහා පදනම වේ.

RDBMS තුල දත්ත වස්තූන් ලෙස දත්තවගු තුළ ගබඩා වේ.

දත්තවගුක් තුල අදාළ දත්ත ඇතුලත් කිරීමට තීරු සහ පේළි එකතුවක් භාවිතා කරයි.

PHP හදුනාගනිමු....

PHP යනු server scripting භාෂාවකි. මෙය භාවිතා කරනු ලබන්නේ වෙබ් පේජයන් තුල ඇති වෙනස් වීම් ක්‍රියාවලි ගොඩනැන්වීමටයි.

PHP යනු Microsoft ASP.net සමග තරගකාරීව භාවිතා කල හැකි නිදහස් සහ කාර්යක්ෂම විකල්පයක් වේ.

PHP ඉගන ගන්න කලින්

ඔබට PHP පාඩම් මාලාවේ ඉදිරියට යාමට පෙර ඔබ පහත සඳහන් භාෂා මූලික අවබෝධයක් ලබා තිබිය යුතුය:

• HTML
• CSS
• JavaScript 

ඔබට මුලින්ම මේ විෂයයන් අධ්‍යයනය කිරීමට අවශ්‍ය නම්,

HTML සදහා මෙතන ඔබන්න  CSS සදහා මෙතන ඔබන්න  JavaScript සදහා මෙතන ඔබන්න


PHP යනු කුමක්ද?

• PHP යනු Hypertext Preprocessor යන්න සදහා භාවිතා වන සංකේත නාමයකි.
• PHP යනු බහුලව භාවිතා වන, විවෘත මූලාශ්‍ර විධානාවලි පරිගණක භාෂාවකි.
• PHP ක්‍රියාත්මක වන්නේ සර්වරයක් තුලදී පමණි.
• PHP යනු නිදහසේ බාගත හැකි හා නිදහසේ භාවිතා කල හැකි පරිගණක භාෂාවකි. 

PHP පුදුමාකාර හා ජනප්‍රිය භාෂාවක් වේ!

එය වෙබ් අවකාශයේ ඇති විශාලතම Blogging පද්ධතියේ (WordPress) පදනම විය යුතු තරම් බලවත්!

එය විශාලතම සමාජ ජාල (ෆේස්බුක්) ගොඩනැන්වීම සඳහා ප්‍රමාණවත් තරම් ගැඹුරු ය!

එසේම එය නවකයින් සදහා ප්‍රථම Server Scripting භාෂාව වීමට ද ප්‍රමාණවත් තරම් පහසු වේ!

PHP ගොනුවක් යනු කුමක්ද?

PHP ගොනුවක් තුල HTML, CSS, JavaScript හා PHP කේත අඩංගු විය හැක.

PHP කේත සර්වරයක් තුල ක්‍රියාත්මක වන අතර, එහි ප්‍රතිඵලය සරල HTML ලෙස වෙබ් අතිරික්සුව මගින් ආපසු පෙන්වනු ලබයි.

PHP ගොනුවක දිගුව ".php" වේ.

PHP  මගින් කුමක් කළ හැකිද?

• PHP මගින් ගතික පිටුවක (වෙනස් වන) අන්තර්ගතය ජනනය කළ හැකිය.
• PHP මගින් සර්වරයක් තුල ඇති දත්ත නිර්මාණය, විවෘතකිරීම , කියවීම, ලිවීම, මකා දැමීම, සහ සේවාදායකයේ තැන්පත් කල හැකිය.
• PHP මගින් සර්වරයක් තුල ඇති දත්ත, එකතු කර ගත හැක.
• PHP මගින් කුකීස් යැවීම හා ලබා ගැනීම කළ හැකිය.
• PHP මගින් ඔබගේ දත්ත සමුදාය දත්ත වෙනස් කළ හැක.
• PHP භාවිතයෙන් පරිශීලක ප්‍රවේශයන් පාලනය කිරීම සිදු කල හැක.
• PHP මගින් දත්ත එන්ක්රිප්ට් කල හැකිය.
• PHP මගින් ඔබට ලබාදෙන ප්‍රතිදානය HTML වලට පමණක් සීමා නොවේ. ඔබට ඡායාරූප, පී.ඩී.එෆ් ගොනු, සහ ෆ්ලෑෂ් චිත්රපට පවා නිර්මාණය කිරීමට පුළුවන්. එසේම ඔබට XHTML හා XML ලෙසද ප්‍රතිදානයන් ලබාගත හැකිය.

PHP අවශ්‍ය වන්නේ ඇයි?

 PHP විවිධ පරිගනක කේත ඛණ්ඩ (වින්ඩෝස්, ලිනක්ස්, යුනික්ස්, මැක් OS X ආදිය) මත ධාවනය වීම.

එය අද භාවිතා කරන ඕනෑම සර්වරයක් (Apache, IIS ආදිය) සමග අනුකූල වීම.

PHP දත්ත Database සදහා පුළුල් පරාසයක පැතිරුණු සහය ලබාදීම.

PHP නිදහස් මෘදුකාංගයක් වීම.  PHP නිල පිටුවට සම්භන්ද වීමට : www.php.net

PHP ඉගෙන ගැනීමට පහසු වන අතර, සර්වර් පැත්තෙන් කාර්යක්ෂම භාෂාවක් වීම.

CSS හදුනාගනිමු...

CSS ඉගනගැනීමට ඔබ මේ වන විටත් දැනගත යුතු දේ

ඔබ CSS පාඩම් මාලාවේ ඉදිරියට යාමට පෙර ඔබට පහත සඳහන් දේවල් පිළිබදව මූලික අවබෝධයක් තිබිය යුතුය:

HTML
ඔබ මුලින්ම මේ විෂය අධ්‍යනය කිරීමට අවශ්‍ය නම්, අපේ HTML පාඩම් මාලාව වෙත යොමුවන්න.

CSS යනු කුමක්ද?

• CSS යන්නෙහි තේරුම Cascading Style Sheets වේ.
• CSS මගින් HTML අංග ප්‍රදර්ශනය කළ යුතු ආකාරය වෙබ් අතිරික්සුවට (Web browser) දක්වයි.
•  HTML 4.0 සංස්කරණයට පසුව පැමිණි සංස්කරණ සදහා CSS සහය දක්වනු ලැබේ.
• CSS මගින් බොහෝ වෙබ් සැකසුම් කටයුතු පහසුවෙන් සිදුකල හැකිය.

ලොකු ප්‍රශ්නෙකට ආපු පුංචි විසදුමක්

HTML ලේඛණයන් ආකෘතිකරණය සඳහා (හැඩ ගැන්වීම සදහා ) ටැග්ස් අඩංගු කිරීම අතීතයේදී සිදුවිය. නමුත් අන්තර්ගතයත් හැඩගැන්වීමත් යන දෙකම සදහ‍ා ටැග්ස් අඩංගු කිරීම නිසා HTML ලේඛණය සංකීර්ණ විය. 

<Font> වැනි ටැග්, හා වර්ණ ගුණාංග HTML 3.2 සංස්කරණයට එකතු කල විට, එය වෙබ් අඩවි සංවර්ධනය නවකයන් සඳහා නපුරු සිහිනයක් වෙන්න පටන් ගත්තා. අකුරු වර්ග හා වර්ණ තොරතුරු සෑම පිටුවට එක් වෙන වෙනම එක් කිරීමට සිදුවුනා. එහිදී විශාල වෙබ් අඩවි සංවර්ධනය, දීර්ඝ හා මිල අධික ක්‍රියාවලියක් බවට පත් වුනා.

මෙම ගැටලුව විසඳීම සඳහා, World Wide Web මූල්‍යායතනය (W3C) CSS නිර්මාණය කළේය.

HTML 4.0 සංස්කරණයේදී, සියලු හැඩතල ගැන්වීම් HTML ලේඛණයෙන් ඉවත් කළ හැකි හා වෙනම CSS ගොනු වල ගබඩා කල හැකි ආකාරයට CSS සංවර්ධනය වී තිබුනා.

අඩු කරයි වැඩ වැඩි කරයි හැඩ

CSS  ගොනුවක් සාමාන්‍යයෙන් " .css " ගොනු දිගුව සහිතව සුරැකනු ලබයි.

ප්‍රධාන වශයෙන් CSS ආකාර තුනකට HTML ලේඛණයක් හා සම්බන්ධ කල හැකිය.

• Inline CSS  (HTML ටැග්ස් තුල)
• Internal CSS  (HTML ලේඛණයේ <head> හා </head> ටැග්ස් අතර)
• External CSS  (වෙනමම CSS ලේඛණයක් ලෙස)

HTML හැදිනගමු.....

HTML මගින් ඔබට ඔබේම වෙබ් අඩවිය නිර්මාණය කළ හැකිය.
මෙම පාඩම් මාලාව මගින් ඔබට HTML පිළිබඳ සෑම දෙයක්ම උගන්වනවා.
HTML ඉගෙන ගැනීමට පහසුය. නමුත් ඒ සදහා ඔබට උනන්දුව තිබිය යුතුමයි.......

HTML යනු කුමක් ද?

HTML යනු වෙබ් ලේඛණ (වෙබ් පිටු) විස්තර කිරීම සඳහා යොදාගන්නා උපදෙස් මාලා සංස්කරණ භාෂාව වේ.

• HTML යන්නෙහි තේරුම Hyper Text Markup Language යන්නයි.
• මෙ‍ම භාෂාව Markup Tag මත ගොඩ නැගී ඇත.
• HTML ලිපි HTML ටැග් මගින් විස්තර කර ඇත.
• එක් එක් HTML ටැග් වෙනස් වෙනස් ආකාරයට අන්තර්ගතයට විස්තර කරයි.

HTML උදාහරණයක්

<!DOCTYPE html><html><head>  <title>Page Title</title></head>
<body>
  <h1>My First Heading</h1>
  <p>My first paragraph.</p>
</body>
</html>

උදාහරණය පැහැදිළි කිරීම

<!DOCTYPE html>  යන ටැග් එකෙන් මෙ‍ම HTML ලේඛණය කුමන HTML සංස්කරණයකට අයත් දැයි පැහැදිලි කරනු ලබයි. මෙය අනිවාර්ය නොවූවත් සමහර HTML Tag හදුනාගැනීම සදහා මෙය අනිවාර්ය වේ.

<html> හා </html> යන ටැග් අතර HTML ලේඛණය විස්තර කරයි.

<head> හා </head> යන ටැග් අතර HTML ලේඛණයට අදාල තොරතුරු විස්තර කරයි. මෙහි ඇති තොරතුරු මගින් වෙබ් අතිරික්සුව (Web Browser) HTML ලේඛණය හැඩගස්වා ගනී.

<title> හා </title> යන ටැග් අතර වෙබ් පිටුවේ මාතෘකාව කුමක්දැයි පහදා දෙනු ලබයි.

<body> හා </body>  යන ටැග් අතර වෙබ් පිටුවේ දෘශ්‍ය අංතර්ගතය විස්තර කරනු ලබයි.

වෙබ් පිටුව තුල මාතෘකාවක් පෙන්වීමට <h1> හා </h1> යන ටැග් අතර මාතෘකාව ලියනු ලබයි. මෙම ටැග් වර්ග 6ක් ඇත. ඒ <h1> සිට <h6> දක්වා වේ.

<p> හා </p> යන ටැග් අතර ඔබට පෙන්වීමට අවශ්‍යය ඡේද සටහන් කරනු ලබයි.

HTML ටැග් 

HTML ටැග් යනු HTML භාෂාවේ ඇති Keyword (හදුන්වාදීම් පද) වේ. මේවා ලියනු ලබනුයේ " < > " තුල වේ.

<tagname> අන්තර්ගතය </ tagname>

 HTML ටැග් සාමාන්‍යයෙන් යුගල් වශයෙන් පවතී. උදාහරණ ලෙස <p>..........</p> ගත හැකිය.

මෙම යුගලයේ ඇති පලමු ටැගය ආරම්භක ටැගය (Opening Tag) වන අතර දෙවැන්න අවසාන ටැගය (Closing Tag) වේ.

මෙම අවසාන ටැගය ආරම්භක ටැගයට සමාන වන නමුත්, එහි ටැග් නාමයේ මුලට " / " යොදා ඇත.

මෙම ආරම්භක ටැගය opening tag ‍ලෙසත් , අවසාන ටැගය Closing Tag ලෙසත් ව්‍යවහාර කරනු ලැබේ.


වෙබ් අතිරික්සුව (Web Browser)

වෙබ් අතිරික්සුවක අරමුණ වන්නේ HTML ලේඛණයන් කියවා ඒවා ප්‍රදර්ශනය කිරීමයි. වෙබ් අතිරික්සු වලට උදාහරණ ලෙස Chrome, IE, Firefox, Safari ගත හැකිය.

වෙබ් අතිරික්සුව තුල HTML ටැග් ප්‍රදර්ශනය නොකරන අතර ඒවා මගින් HTML ලේඛණයේ අංතර්ගතය ප්‍රදර්ශනය  කරන ආකාරය තීරණය කරනු ලබයි.

HTML පිටු සැකැස්ම

පහත ඡායාරූපය මගින් HTML ලේඛණයක පොදු සැලැස්ම පෙන්වනු ලබයි.

(මෙහි ඇති <Body> තුල ඇති ප්‍රදේශය පමණක් web browser එක තුල පෙන්වනු ලබයි.)

 <!DOCTYPE> ටැගය

මෙම ටැගය නිවැරදිව පැහැදිලි ලෙස වෙබ් පිටුව දර්ශනය කිරීමට වෙබ් අතිරික්සුවට උපකාර කරයි.

HTML භාෂාව විවිධ සංස්කරණ කිහිපයකින් යුක්තය. ‍HTML ලේඛණය ලිවීමට කුමන  HTML සංස්කරණය භාවිතා කර ඇද්දැයි  වෙබ් අතිරික්සුවට දැන්වීමට මෙ‍ම ටැගය භාවිතා කරයි.

HTML5 සංස්කරණ සදහා <!DOCTYPE html> ලෙසත්

HTML 4.01  සංස්කරණ සදහා 

<!DOCTYPE HTML PUBLIC "-//W3C//DTD HTML 4.01 Transitional//EN" "http://www.w3.org/TR/html4/loose.dtd"> ලෙසත්

XHTML 1.0  සංස්කරණ සදහා
<!DOCTYPE html PUBLIC "-//W3C//DTD XHTML 1.0 Transitional//EN" "http://www.w3.org/TR/xhtml1/DTD/xhtml1-transitional.dtd"> ලෙසත් 

මෙම ටැගය භාවිතා කරයි.

HTML සංස්කරණ